ஆட்டோ கண்ணாடியை உடைத்த 3 பேர் கைது

மதுரை பாரதிநகரை சேர்ந்தவர் சரவணக்குமார் (வயது 30), ஆட்டோ ஓட்டி வருகிறார். சம்பவத்தன்று இவர் செல்லூர் 50 அடி ரோட்டில் நண்பர் ஒருவருடன் பேசிக்கொண்டிருந்தார். அப்போது 3 வாலிபர்கள் அந்த வழியாக வந்தனர். அவர்கள் சரவணக்குமாரிடம் தகராறு செய்து அவரை அவதூறாக பேசினர். பின்னர் அவர்களை தாக்கி ஆட்டோ கண்ணாடியை உடைத்து விட்டு தப்பி ஓடி விட்டனர். இது குறித்து அவர் செல்லூர் போலீசில் புகார் அளித்தார். அதன் பேரில் போலீசார் வழக்குப்பதிவு செய்து செல்லூர் முனியாண்டி கோவில் தெருவை சேர்ந்த பாலசுப்பிரமணியன் (30), நரிமேடு தாமஸ் தெரு விஜய் (27), அதே பகுதியைச் சேர்ந்த விக்னேஸ்வரன் (22) ஆகிய 3 பேரை கைது செய்தனர்.