பெண் புரோக்கர் உள்பட 3 பேர் கைது

ஒண்டிப்புதூர்

கோவை ஒண்டிப்புதூர் கோபால் நகரில் உள்ள ஒரு வீட்டை வாடகைக்கு எடுத்து அழகிகளை வைத்து விபசாரம் நடப்பதாக சிங்காநல்லூர் போலீசாருக்கு ரகசிய தகவல் கிடைத்தது. அதன்பேரில் போலீசார் சாதாரண உடையில் சென்று அதிரடி சோதனை செய்தனர். அப்போது அங்கு அழகிகளை வைத்து விபசாரம் நடப்பது உறுதி செய்யப்பட்டது.

இதையடுத்து போலீசார் அழகிகளை வைத்து விபசாரம் நடத்திய புரோக்கர்களான ஒண்டிப்புதூர் நெசவாளர் காலனியை சேர்ந்த தம்புராஜ் (வயது 31), உப்பிலிபாளையம் வரதராஜபுரம் மெயின் ரோட்டை சேர்ந்த பிரசாந் (31), கோபால் நகரை சேர்ந்த 40 வயது பெண் புரோக்கர் என்பதும், இவர்கள் குடும்பம் நடத்துவதாக கூறி வாடகைக்கு வீடு எடுத்து தங்கி இருந்து அழகிகளை வைத்து விபசாரத்தில் ஈடுபட்டதும் தெரிய வந்தது. இதையடுத்து அவர்கள் 3 பேரையும் போலீசார் கைது செய்தனர். மேலும் அங்கு இருந்த 4 அழகிகளை மீட்டு காப்பகத்திற்கு அனுப்பி வைத்தனர்.