பணம் வைத்து சூதாடிய 4 பேர் கைது

புன்னம் சத்திரம் எம்.ஜி.ஆர். நகர் பகுதியில் ஒரு கோவில் வளாகத்தில் சிலர் பணம் வைத்து சூதாடி கொண்டிருப்பதாக வந்த தகவலின்பேரில், வேலாயுதம்பாளையம் போலீஸ் சப்-இன்ஸ்பெக்டர் சரவணன் தலைமையிலான போலீசார் சம்பவ இடத்திற்கு சென்று சோதனை செய்தனர். அப்போது அங்கு பணம் வைத்து சூதாடி கொண்டிருந்த புன்னம் சத்திரம் எம்.ஜி.ஆர். நகர் பகுதியை சேர்ந்த அரவிந்த் (வயது 24), துரைசாமி (49), சுதாகன் (28), அன்பழகன் (23) ஆகிய 4 பேரையும் போலீசார் கைது செய்து விசாரணை நடத்தி வருகின்றனர்.