பணம் வைத்து சூதாடிய 4 பேர் கைது

தொண்டி,

திருவாடானை தாலுகா சோளியக்குடி பகுதியில் பணம் வைத்து சூதாடுவதாக போலீசாருக்கு தகவல் கிடைத்தது. அதன்அடிப்படையில் தொண்டி போலீஸ் சப்-இன்ஸ்பெக்டர் விஷ்ணு மற்றும் போலீசார் அங்கு சோதனை நடத்தினர். அப்போது பணம் வைத்து சூதாடி கொண்டிருந்த முகிழ்தகம் கண்ணன்(வயது 60), சோளியக்குடி செல்வராஜ் (57), குமார் (42), கானாட்டாங்குடி மாரியப்பன் (37) ஆகிய 4 பேரை போலீசார் கைது செய்தனர். மேலும் அவர்களிடமிருந்து 52 சீட்டுக்கட்டுகள் மற்றும் ரூ.3 ஆயிரம் ஆகியவற்றை போலீசார் பறிமுதல் செய்தனர்.