கஞ்சா வழக்கில் 4 பேர் கைது

புதுக்கோட்டை மாவட்ட தனிப்படை போலீசார் ரோந்து பணியில் ஈடுபட்டிருந்தனர். அப்போது புதுக்கோட்டை கீழ 7-ம் வீதியில் விற்பனைக்காக கஞ்சா வைத்திருந்த வெங்கடாசலத்தை (வயது 58) பிடித்து கணேஷ் நகர் போலீஸ் நிலையத்தில் ஒப்படைத்தனர். போலீசார் வழக்குப்பதிந்து அவரை கைது செய்தனர். மேலும் 150 கிராம் கஞ்சாவை பறிமுதல் செய்தனர். இதேபோல் நரிமேடு பகுதியில் கஞ்சாவை விற்பனைக்காக வைத்திருந்த பெரிய ராமு (21), உதயகுமார் (52), சந்தோஷ் (20) ஆகிய 3 பேரை பிடித்து திருக்கோகர்ணம் போலீசில் ஒப்படைத்தனர். போலீசார் வழக்குப்பதிவு செய்து 3 பேரையும் கைது செய்தனர். மேலும் அவர்களிடம் இருந்து 1 கிலோ 200 கிராம் கஞ்சாவையும், ரூ.3,100-ஐயும் பறிமுதல் செய்தனர்.