பனியன் நிறுவன டெய்லருக்கு 40 ஆண்டு சிறை

திருப்பூர், ஜூலை.27-திருப்பூர் மாவட்டம் அவினாசி அருகே பெரியாயிபாளையத்தை சேர்ந்த 34 வயது பனியன் நிறுவன டெய்லர் கடந்த 30-7-2021 அன்று வீட்டில் தனியாக இருந்த தனது மகளான 12 வயது பள்ளி மாணவிக்கு பாலியல் தொந்தரவு செய்தார். இதுகுறித்து அவினாசி மகளிர் போலீஸ் நிலையத்தில் அளித்த புகாரின் பேரில் போக்சோ பிரிவின் கீழ் வழக்குப்பதிவு செய்து டெய்லரை கைது செய்து நீதிமன்ற காவலுக்கு அனுப்பி வைத்தனர்

இதுகுறித்த வழக்கு விசாரணை திருப்பூர் மாவட்ட மகளிர் நீதிமன்றத்தில் நடந்து வந்தது. நேற்று இந்த வழக்கில் தீர்ப்பு கூறப்பட்டது. மகளுக்கு பாலியல் தொந்தரவு கொடுத்த தந்தைக்கு 2 பிரிவுகளில் தலா 20 ஆண்டு சிறை தண்டனை, தலா ரூ.1,000 அபராதம் விதித்தும் இந்த தண்டனையை ஏக காலத்தில் அனுபவிக்குமாறும் நீதிபதி நாகராஜன் தீர்ப்பளித்தார். இந்த வழக்கில் அரசு வக்கீல் ஜமீலா பானு ஆஜராகி வாதாடினார்.