புதுக்கோட்டை மாவட்டத்தில் வைரஸ் காய்ச்சல் பரவலாக உள்ளது. டெங்கு பாதிப்பிலும் சிலர் சிகிச்சை பெற்று வருகின்றனர். காய்ச்சல் பரவலை தடுக்க சிறப்பு மருத்துவ முகாம்கள் சுகாதாரத்துறை சார்பில் நடத்தப்பட்டு வருகிறது. இந்த நிலையில் 9 வயது மற்றும் 11 வயதுடைய 2 சிறுமிகள் டெங்கு காய்ச்சலால் பாதிப்படைந்தனர். இதேபோல 3 வாலிபர்களுக்கும் டெங்கு காய்ச்சல் பாதித்திருந்தது. இவர்கள் 5 பேரும் சிகிச்சைக்காக புதுக்கோட்டை அரசு மருத்துவக்கல்லூரி மருத்துவமனையில் அனுமதிக்கப்பட்டுள்ளனர். மாவட்டத்தில் ஏற்கனவே 76 பேர் டெங்கு காய்ச்சல் பாதிப்பில் சிகிச்சை பெற்று குணமடைந்திருந்தனர். தற்போது மேலும் 5 பேர் பாதிப்படைந்துள்ளதால் எண்ணிக்கை 82 ஆக உயர்ந்துள்ளது.