மது விற்ற 5 பேர் கைது

அரியலூர் மாவட்டம் உடையார்பாளையம் சப்-இன்ஸ்பெக்டர் திருவேங்கடம் தலைமையிலான போலீசார் ரோந்து பணியில் ஈடுபட்டனர். அப்போது தத்தனூர் பொட்டக்கொல்லை கிராமத்தை சேர்ந்த அன்புமணி (வயது 53), காமராஜ் (53), செந்தில்வேல் (41), குண்டன் என்கிற சின்னத்திரை (50), தத்தனூர் கீழவெளி கிராமத்தை சேர்ந்த சுப்பிரமணியன் (63) ஆகியோர் சட்டவிரோதமாக மது விற்றது தெரியவந்தது. இதையடுத்து அவர்கள் 5 பேரையும் போலீசார் கைது செய்தனர். மேலும் விற்பனைக்காக வைத்திருந்த மதுபாட்டில்களும் பறிமுதல் செய்யப்பட்டன.