89 மது பாட்டில்கள் பறிமுதல்; ஒருவர் கைது

அன்னவாசல் அருகே உள்ள நாங்குப்பட்டியில் சட்டவிரோதமாக மது விற்கப்படுவதாக பல்வேறு புகார் வந்தது. இதன்பேரில் அன்னவாசல் சிறப்பு சப்-இன்ஸ்பெக்டர் பாலக்குமார் உள்ளிட்ட போலீசார் அப்பகுதியில் ரோந்து பணியில் ஈடுபட்டனர். அப்போது மது விற்பனையில் ஈடுபட்ட கீழசித்தக்குடிபட்டியை சேர்ந்த சந்திரன் (வயது 59) என்பவரை போலீசார் கைது செய்தனர். மேலும் விற்பனைக்காக வைத்திருந்த 89 மது பாட்டில்களையும் பறிமுதல் செய்தனர்.