கச்சிராயப்பாளையம்,

கள்ளக்குறிச்சி மாவட்டம் கல்வராயன்மலையில் உள்ள மொட்டையனூர் கிராமத்தில் உரிமம் இன்றி ஒருவர் நாட்டுத்துப்பாக்கி வைத்திருப்பதாக போலீசாருக்கு தகவல் கிடைத்தது. அதன்பேரில் கரியலூர் போலீஸ் சப்-இன்ஸ்பெக்டர் ரவிச்சந்திரன் தலைமையிலான போலீசார் மொட்டையனூர் கிராமத்தில் தீவிர சோதனையில் ஈடுபட்டனர். அப்போது அதே கிராமத்தை சேர்ந்த அண்ணாமலை(வயது 52) என்பவர் உரிமம் இன்றி நாட்டுத்துப்பாக்கி வைத்திருந்தது தெரியவந்தது. இதையடுத்து அண்ணாமலையை கைது செய்த போலீசார், அவரிடமிருந்த நாட்டுத்துப்பாக்கியை பறிமுதல் செய்தனர்.