திண்டிவனம்

திண்டிவனம் பெலாகுப்பம் சாலையில் அவரப்பாக்கம் பகுதியில் பாதாள சாக்கடை திட்டத்துக்காக தோண்டப்பட்ட பள்ளத்தை சரியாக மூடாததால் நேற்று அந்த வழியாக வந்த பள்ளி வேன் பள்ளத்தில் சிக்கியது. இதையடுத்து அந்த பகுதி மக்கள் ஓடி வந்து வேனில் இருந்த மாணவ-மாணவிகளை கீழே இறக்கிவிட்டனர். சிலநிமிட போராட்டத்துக்கு பின்னர் பள்ளத்தில் சிக்கியவேனை மீ்ட்டு மாணவ-மாணவிகளை ஏற்றி அனுப்பி வைத்தனர்.

பாதாள சாக்கடை பள்ளத்தில் அந்த வழியாக பள்ளிக்கு நடந்தும், சைக்கிள்களிலும் சென்று வரும் மாணவ-மாணவிகள், இருசக்கர வாகன ஓட்டிகள் பாதாளசாக்கடை பள்ளத்தில் தவறி விழும் சம்பவம் அவ்வப்போது நிகழ்ந்து வருவதாகவும் எனவே பெரியஅளவிலான அசம்பாவிதங்கள் நிகழ்வதற்கு முன்னதாக பாதாளசாக்கடை பள்ளத்தை உடனடியாக சீரமைக்க வேண்டும் என அப்பகுதி மக்கள் கோரிக்கை விடுத்து வருகின்றனர்.