விபத்தில் கட்டிட காண்டிராக்டர் பலி

ஓசூர்:

ஓசூர் சிப்காட் அருகே உள்ள பேடரப்பள்ளி ஆஞ்சநேயர் கோவில் தெருவை சேர்ந்தவர் பாஸ்கர் (வயது 40). கட்டிட காண்டிராக்டர். இவர் நேற்று முன்தினம், மோட்டார் சைக்கிளில் ஓசூர்-பெங்களூரு சாலையில் சோதனைச்சாவடி அருகே சென்று கொண்டிருந்தார். அப்போது அந்த வழியாக வந்த கார், அவர் மீது மோதியது. இதில் தலையில் பலத்த காயம் அடைந்த பாஸ்கர் சம்பவ இடத்திலேயே பலியானார். இதுகுறித்து ஓசூர் சிப்காட் போலீசார் விசாரணை நடத்தி வருகிறார்கள்.