ராணுவ கல்லூரியில் சேர விண்ணப்பிக்கலாம்

தமிழ்நாடு அரசு பணியாளர் தேர்வாணையம் மூலம் டேராடூனில் உள்ள ராஷ்ட்ரிய இந்திய ராணுவ கல்லூரியில் 2024-ம் ஆண்டு ஜூலை பருவத்தில் சேருவதற்கான தேர்வு வருகிற டிசம்பர் மாதம் 2-ந்தேதியில் நடத்தப்படுகிறது. இந்த தேர்வுக்கான விண்ணப்பங்கள் வரவேற்கப்படுகின்றன. இதற்கான தகுதிகளாக விண்ணப்பதாரர்களின் பெற்றோர் அல்லது பாதுகாப்பாளர் தமிழ்நாட்டில் வசிப்பவராக இருக்க வேண்டும். விண்ணப்பிப்பவர்கள் 11½ வயது நிரம்பியவராகவும், 13 வயதை அடையாதவராகவும் (2.7.2011-க்கு முன்னதாகவும், 1.1.2013-க்கு பின்னதாகவும் பிறந்திருத்தல் கூடாது) இருத்தல் வேண்டும். வயது வரம்பில் தளர்வு கிடையாது. விண்ணப்ப படிவம் மற்றும் அதுகுறித்த தகவல்களை www.rimc.gov.in என்ற இணையதளம் மூலமாக பெற்றுக்கொள்ளலாம். பூர்த்தி செய்யப்பட்ட விண்ணப்பங்களை (இரட்டையாக) தேர்வு கட்டுப்பாட்டு அலுவலர், தமிழ்நாடு அரசு பணியாளர் தேர்வாணையம், தமிழ்நாடு அரசு பணியாளர் தேர்வாணைய சாலை, பூங்கா நகர், சென்னை-600003 என்ற முகவரிக்கு அடுத்த மாதம் 15-ந்தேதிக்குள் வந்து சேருமாறு அனுப்பி வைக்க வேண்டும். மேலும் விவரங்களுக்கு அரியலூர் மாவட்ட முன்னாள் படைவீரர் நல உதவி இயக்குனர் அலுவலகத்தை நேரிலோ அல்லது 04329221011 என்ற தொலைபேசி எண்ணிலோ தொடர்பு கொள்ளலாம் என்று மாவட்ட நிர்வாகம் சார்பில் தெரிவிக்கப்பட்டுள்ளது.