மான் வேட்டைக்கு சென்ற 4 பேர் கைது

அரூர்:

அரூர் அருகே உள்ள கொளகம்பட்டி பிரிவு சாலையில் அரூர் போலீசார் வாகன தணிக்கையில் ஈடுபட்டனர். அப்போது அந்த வழியாக வந்த சரக்கு வாகனத்தை நிறுத்தி சோதனை செய்தனர். அதில் வந்த ஒருவர் தப்பியோடினார். இதனால் சந்தேகம் அடைந்த போலீசார் வாகனத்தில் வந்த 4 பேரை பிடித்து விசாரணை நடத்தினர். அவர்கள் சேலம் மாவட்டம் ஏற்காடு அடுத்த நடூர் பட்டிப்பாடியைச் சேர்ந்த பிரபு (வயது 27), சேர்வராயன் (28), சதீஷ் (31), சுப்பிரமணி (52) என்பதும், வெள்ளக்கடை ஏழுமலை என்பவரிடம் நாட்டுத்துப்பாக்கி வாங்கி வந்து கொளகம்பட்டி வனப்பகுதியில் மான் வேட்டையாட முயன்றதும் தெரியவந்தது.

இதையடுத்து அவர்கள் 4 பேரையும் போலீசார் கைது செய்தனர். அவர்களிடம் இருந்து சரக்கு வாகனம் நாட்டுத்துப்பாக்கி, தோட்டாக்கள் ஆகியவற்றை பறிமுதல் செய்தனர். மேலும் தப்பியோடிய சுரேஷ் (30) என்பவரை தேடி வருகின்றனர்.