தொழிலாளியை தாக்கிய 3 வாலிபர்கள் கைது

ராயக்கோட்டை:

தேன்கனிக்கோட்டை தாலுகா டி.கொத்தப்பள்ளி கிராமத்தை சேர்ந்தவர் விஜயன் (வயது 40). கூலித்தொழிலாளி. இவர் நேற்று கெலமங்கலம் பஸ் நிலையம் அருகே உள்ள சந்தையில் நின்றார். அப்போது அங்கு குடிபோதையில் வந்த கெலமங்கலம் துளசி நகரை சேர்ந்த ஹரிஸ் (22) உள்பட 3 பேர் விஜயனிடம் தகராறு செய்து அவரை கல்லால் தாக்கினர். இதில் தலையில் படுகாயமடைந்த விஜயனை மீட்ட பொதுமக்கள் கெலமங்கலம் அரசு மருத்துவமனைக்கு அனுப்பி வைத்தனர். இதுகுறித்த புகாரின்பேரில் போலீசார் கெலமங்கலம் போல துளசி நகரை சேர்ந்த ஹரிஸ், ஜீவா நகரை சேர்ந்த பிரசாந்த் (22), சுல்தான்பேட்டையை சேர்ந்த சங்கர் (22) ஆகிய 3 பேரை போலீசார் கைது செய்தனர்.