குட்காவுடன் நின்றிருந்தவர் கைது

ஓசூர்

ஓசூர் டவுன் போலீசார், பஸ் நிலைய பகுதியில் ரோந்து சென்றனர். அப்போது அங்கு கையில் பையுடன் ஒருவர் நின்றிருந்தார். இதனால் சந்தேகம் அடைந்த போலீசார் அவர் வைத்திருந்த பையை சோதனை செய்தனர். அதில் ரூ.4,800 மதிப்புள்ள 8.8 கிலோ குட்கா இருப்பது தெரியவந்தது. இதையடுத்து போலீசார் அவரிடம் விசாரணை நடத்தினர். அவர் தஞ்சை மாவட்டம் பாபநாசம் பகுதியை சேர்ந்த வெற்றிவேல் (வயது45) என்பதும், பெங்களூருவில் இருந்து பஸ்சில் குட்கா கடத்தி வந்ததும் தெரிந்தது. இதையடுத்து அவரை போலீசார் கைது செய்தனர். மேலும் குட்காவையும் பறிமுதல் செய்தனர்.