ரேஷன் அரிசி கடத்திய 4 பேர் கைது

திருப்பரங்குன்றம்,

மதுரை திருப்பரங்குன்றம் பகுதியில் ரேஷன் அரிசி கடத்துவதாக குடிமை பொருள் வழங்கல் தடுப்பு பிரிவு போலீசாருக்கு ரகசிய தகவல் கிடைத்தது. அதன் பேரில் திருப்பரங்குன்றம் திருமலையூர் சாலை அருகே வாகன சோதனை மேற்கொண்டனர்.

அப்போது அந்த வழியாக வந்த வாகனத்தை நிறுத்தி சோதனை மேற்கொண்டதில் 50 கிலோ எடை கொண்ட 24 மூடைகளில் 1200 கிலோ ரேஷன் அரிசி கடத்தி வந்தது தெரிய வந்தது.

இதனை தொடர்ந்து அவர்களிடம் நடத்திய விசாரணையில் மதுரையை சேர்ந்த சாதிக், ஆறுமுகம், பாண்டி, கார்த்தி கேயன் என்பது தெரியவந்தது. இதையடுத்து 4 பேரையும் கைது செய்த போலீசார் கடத்தலுக்கு உடந்தையாக இருந்த ரேஷன் கடை விற்பனையாளர் விநாயகம் செல்வத்தை தேடி வருகின்றனர்.