லாட்டரி சீட்டு விற்ற 3 பேர் கைது

கிருஷ்ணகிரி:

கிருஷ்ணகிரி டவுன் போலீசார் ரோந்து சென்றனர். அப்போது பூங்காவனம் தெருவில் உள்ள பெட்டிக்கடைகளில் லாட்டரி சீட்டுகள் விற்ற கிருஷ்ணகிரி பாரதிதாசன் தெருவை சேர்ந்த சீனிவாசன் (வயது 39), பாரதியார் நகர் சேட்டு (30) ஆகிய 2 பேரை கைது செய்தனர். அவர்களிடம் இருந்து லாட்டரி சீட்டுகள் மற்றும் ரூ.16 ஆயிரத்து 400 பறிமுதல் செய்யப்பட்டது. இதேபோல் மகாராஜகடை போலீசார் சின்னமேலுப்பள்ளி, பாரத கோவில் அருகே லாட்டரி சீட்டு விற்ற மேல்பட்டியை சேர்ந்த பிரகாஷ் (30) என்பவரை கைது செய்தனர். அவரிடம் இருந்து ரூ.3,270 பறிமுதல் செய்யப்பட்டது.