இரும்பு பொருட்கள் திருடியவா் கைது

சிதம்பரம்,

புதுச்சத்திரம் போலீஸ் சப்-இன்ஸ்பெக்டர் ஆனந்தகுமார் தலைமையிலான போலீசார் ஆலப்பாக்கம் ரெயில்வே கேட் பகுதியில் நேற்று தீவிர வாகன சோதனை மேற்கொண்டனர். அப்போது அவ்வழியாக வேகமாக வந்த சரக்கு வாகனத்தை வழிமறித்து போலீசார் சோதனை நடத்தினர்.

அதில் இரும்பு பொருட்கள் ஏற்றி வந்தது தெரியவந்தது. இதையடுத்து டிரைவரை பிடித்து விசாரித்ததில், அவர், பெரியக்குப்பம் மேட்டுத் தெருவை சேர்ந்த மனோகர் (வயது 35) என்பதும், பெரியகுப்பம் பகுதியில் உள்ள தனியார் நிறுவனத்தில் இருந்து இரும்பு பொருட்களை திருடி வந்ததும் தெரியவந்தது. இதையடுத்து போலீசார் வழக்குப்பதிவு செய்து மனோகரை கைது செய்தனர். மேலும் இரும்பு பொருட்களையும், திருட பயன்படுத்தப்பட்ட சரக்கு வாகனத்தையும் போலீசார் பறிமுதல் செய்தனர்.