விழிப்புணர்வு கையெழுத்து இயக்கம்

குன்னூர்,

சட்டமன்ற, நாடாளுமன்ற, உள்ளாட்சி தேர்தலில் வாக்காளர்கள் தங்களது ஜனநாயக கடமையை நிறைவேற்றி வருகின்றனர். இருப்பினும், 100 சதவீதம் வாக்களிக்கும் வகையில், மக்களுக்கு விழிப்புணர்வு ஏற்படுத்த தேர்தல் ஆணையம் அறிவுரை வழங்கி உள்ளது. அதன்படி குன்னூர் பஸ் நிலையத்தில் தேர்தலில் 100 சதவீதம் வாக்களிக்க விழிப்புணர்வு கையெழுத்து இயக்கம் நடைபெற்றது. நிகழ்ச்சியில் குன்னூர் ஆர்.டி.ஓ. பூஷணகுமார், தாசில்தார் சிவக்குமார், குன்னூர் நகராட்சி ஆணையாளர் கிருஷ்ணமூர்த்தி, சுகாதார ஆய்வாளர் சித்த நாதன், வருவாய்த்துறை மற்றும் நகராட்சி ஊழியர்கள் கலந்துகொண்டனர். இதில் பொதுமக்கள் ஆர்வத்துடன் கலந்துகொண்டு தேர்தலில் 100 சதவீதம் வாக்களிப்போம் என கையெழுத்திட்டனர்.