ஸ்டூடியோவின் பூட்டை உடைத்து நகை, பணம் கொள்ளை

ஸ்டூடியோவில் கொள்ளை

வடமதுரை அருகே உள்ள தென்னம்பட்டியை சேர்ந்தவர் மோகனப்பிரியா (வயது 39). இவர் தென்னம்பட்டி நால்ரோடு அருகே போட்டோ ஸ்டூடியோ கடை வைத்து நடத்தி வருகிறார். இவர் நேற்று முன்தினம் இரவு வழக்கம்போல் கடையை பூட்டி விட்டு வீட்டுக்கு சென்று விட்டார்.

பின்னர் நேற்று காலை வந்தபோது கடையின் பூட்டு உடைக்கப்பட்டிருந்ததை கண்டு அவர் அதிர்ச்சிடைந்தார். அதன்பின்னர் கடைக்குள் சென்று பார்த்தபோது, பணப்பெட்டி பூட்டு உடைக்கப்பட்டு இருந்தது. அதில் வைத்திருந்த 8 பவுன் நகை மற்றும் ரூ.70 ஆயிரத்தை மர்ம நபர்கள் கொள்ளையடித்து சென்று இருப்பது தெரியவந்தது.

போலீஸ் விசாரணை

இதுகுறித்து மோகனப்பிரியா வடமதுரை போலீசாருக்கு தகவல் தெரிவித்தார். அதன்பேரில் சம்பவ இடத்திற்கு போலீசார் விரைந்து சென்று தீவிர விசாரணை நடத்தினர். அதில் மோகனப்பிரியா கடையை பூட்டிச் சென்றதை அறிந்த மர்ம நபர்கள் பூட்டை உடைத்து உள்ளே சென்று நகை மற்றும் பணத்தை ெகாள்ளையடித்து சென்றது தெரியவந்தது.

இதைத்தொடர்ந்து சம்பவ இடத்துக்கு கைரேகை நிபுணர்கள் வந்து பதிவாகியிருந்த தடயங்களை சேகரித்தனர்.

தேடுதல் வேட்டை

மேலும் கொள்ளைபோன கடைக்கு மோப்பநாய் ரூபி வரவழைக்கப்பட்டு சோதனை செய்யப்பட்டது. அது கடையில் இருந்து வடமதுரை ரோட்டில் சிறிது தூரம் ஓடிச்சென்று நின்றது. ஆனால் யாரையும் கவ்விப் பிடிக்கவில்லை.

எனவே கொள்ளையர்கள் வடமதுரை வழியாக தப்பி சென்று இருக்கலாம் என்ற கோணத்தில் போலீசார் தேடுதல் வேட்டையில் ஈடுபட்டுள்ளனர். ஸ்டூடியோவின் பூட்டை உடைத்து கொள்ளையடிக்கப்பட்ட சம்பவம் அந்த பகுதியில் பரபரப்பை ஏற்படுத்தியது.