தலைகீழாக கார் கவிழ்ந்து விபத்து

ராணிப்பேட்டை மாவட்டம், பாணாவரம் பகுதியில் உள்ள சஞ்சீவிராய பள்ளி எதிரே காவேரிப்பாக்கம் - பாணாவரம் செல்லும் சாலையின் குறுக்கே பாலம் கட்டும் பணிகள் கடந்த 2 மாதங்களாக நடைபெற்றுவருகிறது.

இந்த பணியின் காரணமாக சாலையின் குறுக்கே மண் கொட்டப்பட்டிருந்தது. நேற்று இரவு அந்த பகுதியில் வேகமாக வந்த ஒரு கார் மண் மீது ஏறி தலைகீழாக கவிழ்ந்தது. அதிர்ஷ்டவசமாக காரில் பயணித்த 4 பேருக்கு எந்தவித காயமும் இல்லாமல் மீட்கப்பட்டனர்.

இதுகுறித்து தகவல் அறிந்த பாணாவரம் போலீசார் விரைந்து வந்து காரில் பயணித்தவர்கள் யார் என்பது குறித்தும், சம்பவம் குறித்தும் விசாரணை நடத்தி வருகின்றனர்.