ரூ.40 லட்சத்திற்கு கால்நடைகள் விற்பனை

அரூர்

அரூர் அருகே உள்ள புளுதியூரில் வாரந்தோறும் புதன்கிழமை கால்நடை வாரச்சந்தை நடைபெற்று வருகிறது. இதனிடையே நேற்று வாரச்சந்தை கூடியது. இதில் தர்மபுரி, கிருஷ்ணகிரி, சேலம், நாமக்கல், திருவண்ணமலை மற்றும் பல்வேறு பகுதிகளை சேர்ந்த விவசாயிகள், கால்நடை வளர்ப்போர் வெள்ளாடு, செம்மறி ஆடு, கறவை மாடுகள், எருமை மாடு, மாடுகள், நாட்டுக்கோழி ஆகியவற்றை விற்பனைக்கு கொண்டு வந்தனர். வெளிமாநில மற்றும் தமிழகத்தின் பல்வேறு மாவட்டங்களை சேர்ந்த வியாபாரிகள், கால்நடைகளை வாங்கி சென்றனர். நேற்று நடந்த வாரச்சந்தையில் ஒரு மாடு ரூ.8 ஆயிரம் முதல் ரூ.45 ஆயிரம் வரையும். ஒரு ஆடு விலை ரூ.6,500 முதல் ரூ.13 ஆயிரம் வரையும் விற்பனையானது. வாரச்சந்தையில் ரூ.40 லட்சத்திற்கு கால்நடைகள் விற்பனையானதாக வியாபாரிகள் தெரிவித்தனர்.