விருத்தாசலத்தில் சி.ஐ.டி.யு. தொழிற்சங்கத்தினர் ஆர்ப்பாட்டம்

விருத்தாசலம்,

விருத்தாசலம் மின் வாரிய அலுவலகம் முன்பு சி.ஐ.டி.யு. தொழிற்சங்கத்தினர் கண்டன ஆர்ப்பாட்டத்தில் ஈடுபட்டனர். மின்வாரிய பணியாளர்களுக்கு முழுமையான போனஸ் தொகையை உடனடியாக வழங்க வேண்டும், பகுதி நேர பணியாளர்களுக்கும், ஒப்பந்த தொழிலாளர்களுக்கும் முழுமையாக போனஸ் வழங்கிட வேண்டும், மின்வாரியத்தில் காலியாக உள்ள 58 ஆயிரம் காலி பணியிடங்களை உடனடியாக நிரப்ப வேண்டும், மின்வாரிய ஊழியர்களுக்கு வழங்க வேண்டிய ஊதிய உயர்வை வழங்கவேண்டும் என்பன உள்ளிட்ட பல்வேறு கோரிக்கைகளை வலியுறுத்தி நடைபெற்ற இந்த ஆர்ப்பாட்டத்துக்கு கோட்ட செயலாளர் ஆறுமுகம் தலைமை தாங்கினார். இதில் சி.ஐ.டி.யு. தொழிற்சங்கத்தினர் பலர் கலந்து கொண்டு கோரிக்கைகளை வலியுறுத்தி கோஷம் எழுப்பினர்.