மாற்றுத்திறனாளிகளுக்கான விளையாட்டு போட்டிகள்

தடகள போட்டிகள்

பெரு மூளை முடக்குவாத மாற்றுத்திறனாளிகளுக்கு 4-வது மாநில அளவிலான தடகள போட்டிகள் மற்றும் கால்பந்து சாம்பியன்ஷிப் போட்டிகள் தர்மபுரியில் உள்ள மாவட்ட விளையாட்டு அரங்கில் நடைபெற்றது. இந்த போட்டிகளை மாவட்ட விளையாட்டு அலுவலர் சாந்தி கொடி அசைத்து தொடங்கி வைத்தார்.

இதில் 35 கிலோ, 37 கிலோ, 38 கிலோ ஆகிய 3 எடை பிரிவுகளில் ஓட்டம் உள்ளிட்ட தடகள போட்டிகளும், கால்பந்து போட்டிகளும் நடைபெற்றது. இதில் மாநிலம் முழுவதிலும் இருந்து 200-க்கும் மேற்பட்ட மாற்றுத்திறனாளிகள் கலந்து கொண்டு விளையாடினர்.

பரிசு- சான்றிதழ்

இந்த நிகழ்ச்சியில் அதிகமான அரசு பள்ளி தலைமை ஆசிரியர் தங்கவேல், பெற்றோர் ஆசிரியர் கழக தலைவர் தங்கமணி, தி.மு.க. மாணவர் அணி அமைப்பாளர் பெரியண்ணன், தகவல் தொழில் பணி மாவட்ட ஒருங்கிணைப்பாளர் கவுதம் ஆகியோர் கலந்து கொண்டு போட்டிகளை பார்வையிட்டனர்.

இந்த போட்டிகளில் வெற்றி பெற்ற மாற்றுத்திறனாளிகளுக்கு பரிசு மற்றும் சான்றிதழ்கள் வழங்கப்பட்டன. இதற்கான ஏற்பாடுகளை சாக்ரடீஸ், உமா மகேஸ்வரி, ஜெயபூர்ணிமா, கரிகாலன் மற்றும் நிர்வாகிகள் செய்திருந்தனர்.