மிக்ஜம் புயல்: பொதுமக்கள் தொடர்பு கொள்ள முக்கிய தொலைபேசி எண்கள் அறிவிப்பு

சென்னை,

`மிக்ஜம்' புயல் காரணமாக சென்னையில் அதி கனமழை பெய்ததால் நகரமே தண்ணீரில் தத்தளிக்கிறது. மாநகரின் பெரும்பாலான சாலைகள், சுரங்கப்பாதைகளில் மழை நீர் தேங்கியது. இதனால், பொதுமக்கள் மிகுந்த அவதிக்குள்ளாகினர். தாழ்வான பகுதிகளில் புகுந்த வெள்ளநீரை அகற்றும் பணி தற்போது நடைபெற்று வருகிறது.

இந்த நிலையில், மிக்ஜாம் புயல் பொதுமக்கள் தொடர்பு கொள்ள முக்கிய தொலைபேசி எண்கள் அறிவிக்கப்பட்டுள்ளது. சென்னை மாநகராட்சியின் அவசர கட்டுப்பாட்டு அறைக்கு 1913 என்ற எண்ணை தொடர்பு கொள்ளலாம்; 9445477205 என வாட்ஸ் அப் எண் , 04425619207, 04425619206, 04425619204 என்ற எண்களை தொடர்பு கொள்ளலாம் என்று தெரிவிக்கப்பட்டுள்ளது.

உங்கள் பகுதியில் ஏற்பட்ட புயல் பாதிப்புகளை, 8939888401 என்ற வாட்ஸ்-அப் எண்ணில் அனுப்பலாம் என்று மாநகராட்சி தரப்பில் தெரிவிக்கப்பட்டுள்ளது.