விபத்தில் ஜோதிடர் சாவு

பாப்பாரப்பட்டி

பாப்பாரப்பட்டி பிள்ளையார் கோவில் தெருவை சேர்ந்தவர் ராஜரத்தினம் (வயது 68). ஜோதிடர்.

இவர் நேற்று காலை பூஜை பொருட்கள் வாங்கி கொண்டு தர்மபுரி ரோட்டில் மொபட்டில் சென்று கொண்டிருந்தார். அப்பு முதலி தெருவில், பின்னால் வந்த மோட்டார் சைக்கிள், ராஜரத்தினம் மொபட் மீது மோதியது.

இதில் தூக்கி வீசப்பட்ட ராஜரத்தினம் பலத்த காயம் அடைந்தார். அவரை அக்கம் பக்கத்தினர் மீட்டு சிகிச்சைக்காக தர்மபுரி அரசு ஆஸ்பத்திரிக்கு அனுப்பி வைத்தனர். அங்கு டாக்டர்கள் பரிசோதித்த போது அவர் ஏற்கனவே இறந்தது தெரியவந்தது.

தகவல் அறிந்த பாப்பாரப்பட்டி போலீசார் ராஜரத்தினத்தின் உடலை கைப்பற்றி பிரேத பரிசோதனைக்காக அனுப்பி வைத்தனர்.

மேலும் விபத்து குறித்து வழக்குப்பதிவு செய்து விசாரணை நடத்தவருகின்றனர்.