புதுக்கோட்டை மாவட்டத்தில் பெய்த மழையளவு விவரம்

புதுக்கோட்டையில் கோடை வெயில் வாட்டி வதைத்து வந்த நிலையில் கடந்த ஓரிரு நாட்களாக லேசாக மழை பெய்து வருகிறது. மாவட்டத்தில் நேற்று முன்தினம் இரவு பரவலாக மழை பெய்தது. இதனால் பொதுமக்கள் மகிழ்ச்சி அடைந்தனர். மாவட்டத்தில் நேற்று காலை 8 மணி நேர நிலவரப்படி பெய்த மழையளவு விவரம் மில்லி மீட்டரில் வருமாறு:- ஆதனக்கோட்டை-38, பெருங்களூர்-77, புதுக்கோட்டை-52, ஆலங்குடி-13, கந்தர்வகோட்டை-30, கறம்பக்குடி-2.80, மழையூர்-3.20, திருமயம்-24.20, அரிமளம்-2.40, அறந்தாங்கி- 9.40, ஆயிங்குடி-22.20, நாகுடி-9.20, ஆவுடையார்கோவில்-2.60, மணமேல்குடி-28, இலுப்பூர்-8.60, குடுமியான்மலை-6.20, அன்னவாசல்-64, விராலிமலை-21, உடையாளிப்பட்டி-4.50, கீரனூர்-8, பொன்னமராவதி-3.20, காரையூர்-11.