ஓசூர் பஸ் நிலையத்தில் மயங்கி கிடந்தவர் சாவு யார் அவர்? போலீசார் விசாரணை

ஓசூர்:

ஓசூர் பஸ் நிலையம் அருகில் 50 வயது மதிக்கத்தக்க ஆண் ஒருவர் மயங்கி கிடந்தார். அவரை அக்கம் பக்கத்தில் இருந்தவர்கள் மீட்டு கிருஷ்ணகிரி அரசு ஆஸ்பத்திரியில் சேர்த்தனர். அங்கு அவர் சிகிச்சை பலனின்றி நேற்று முன்தினம் இறந்தார். அவர் யார்? எந்த ஊரை சேர்ந்தவர்? என்ற விவரம் தெரியவில்லை. இது குறித்து ஓசூர் கிராம நிர்வாக அலுவலர் வெங்கடேசமூர்த்தி கொடுத்த புகாரின்பேரில் ஓசூர் டவுன் போலீசார் விசாரணை நடத்தி வருகின்றனர்.