ஊராட்சி செயலாளர், பணி தள மேற்பார்வையாளர் பணியிடைநீக்கம்

செங்கம்

ஊராட்சி செயலாளர், பணி தள மேற்பார்வையாளர் பணியிடைநீக்கம் செய்யப்பட்டனர்.

செங்கம் ஊராட்சி ஒன்றியத்திற்கு உட்பட்ட கட்டமடவு ஊராட்சியில் பிரதமந்திரி வீடு கட்டும் திட்டம் குறித்து சமூக ஆர்வலர்கள், பொதுமக்கள் தரப்பில் மாவட்ட நிர்வாகத்திற்கு புகார் அளிக்கப்பட்டதாக தெரிகிறது. இந்நிலையில் நேற்று முன்தினம் அவர் கட்டமடுவு ஊராட்சியில் ஆய்வு மேற்கொள்ள திடீரென சென்றார்.

அப்போது பிரதம மந்திரி வீடு கட்டும் திட்டத்தின் கீழ் 4 வீடுகள் மட்டும் கட்டி முடிக்கப்பட்டதும் சில வீடுகளுக்கு கட்டி முடிக்காமலே முழு தொகையும் விடுவிக்கப்பட்டுள்ளதும் கண்டுபிடிக்கப்பட்டது.

இந்த நிலையில் கட்டமடுவு ஊராட்சி செயலாளர் முருகன், பணி மேற்பார்வையாளர் வாசு உள்ளிட்டவர்களை பணியிடை நீக்கம் செய்து உத்தரவிட்டார். இந்த சம்பவம் அப்பகுதியில் பரபரப்பை ஏற்படுத்தியுள்ளது.