தி.மு.க. செயற்குழு கூட்டம்

ராணிப்பேட்டை மாவட்ட செயலாளரும், அமைச்சருமான ஆர்.காந்தி வெளியிட்டுள்ள அறிக்கையில் கூறி இருப்பதாவது:-

ராணிப்பேட்டை சிப்காட் பாரதிநகரில் உள்ள தி.மு.க. மாவட்ட தலைமை அலுவலகத்தில் நாளை (10-ந் தேதி) செயற்குழு கூட்டம் மாவட்ட அவைத்தலைவர் ஏ.கே.சுந்தரமூர்த்தி தலைமையில் நடைபெற உள்ளது.

இந்த கூட்டத்தில் முப்பெரும் விழா, பவள விழா கொண்டாட்டம், வாக்காளர் பட்டியல், வாக்குச்சாவடி சரிபார்த்தல் மற்றும் கழக ஆக்க பணிகள் குறித்து ஆலோசிக்கப்பட உள்ளது.

எனவே மாவட்டநிர்வாகிகள், தலைமை செயற்குழு உறுப்பினர்கள், நகர, ஒன்றிய செயலாளர்கள், பொதுக்குழு உறுப்பினர்கள், மாவட்ட அணிகளின் அமைப்பாளர்கள், பேரூர் செயலாளர்கள் உள்ளாட்சி நிர்வாகிகள் மற்றும் சிறப்பு அழைப்பாளர்கள் அனைவரும் தவறாமல் பங்கேற்க வேண்டும்.

இவ்வாறு அதில் கூறப்பட்டுள்ளது.