திமுக இளைஞரணி மாநாடு: பிரமாண்ட டிரோன் நிகழ்ச்சியில் வானில் ஜொலித்த தலைவர்களின் படங்கள்

சேலம்,

சேலம் பெத்தநாயக்கன்பாளையத்தில் நாளை திமுக இளைஞரணி மாநாடு நடைபெற உள்ளது. இதையடுத்து மாநாடு நடைபெறும் இடத்தில் முதல்-அமைச்சர் மு.க.ஸ்டாலின் ஆய்வு மேற்கொண்டார். அவருடன் அமைச்சர் உதயநிதி ஸ்டாலின், துர்கா ஸ்டாலின் மற்றும் மூத்த நிர்வாகிகள் இருந்தனர்.

இதையடுத்து சென்னையில் தொடங்கிய திமுக இளைஞரணியின் மாநாட்டு சுடரொளி ஓட்டம் இன்று சேலத்தை வந்தடைந்ததை அடுத்து முதல் அமைச்சர் மு.க.ஸ்டாலின் சுடரை ஏற்றி வைத்தார். இதையடுத்து 1500 பேர் பங்கேற்ற நீட் எதிர்ப்பு இருசக்கர வாகன பேரணியையும் முதல்-அமைச்சர் மு.க.ஸ்டாலின் தொடங்கி வைத்தார்.

இதையடுத்து சுமார் 1500 டிரோன்கள் மூலம் தமிழ்நாடு, திமுக தலைவர்களின் படங்கள் காட்சிப்படுத்தப்பட்டன. இந்த டிரோன் நிகழ்ச்சியை முதல்-அமைச்சர் மு.க.ஸ்டாலின் கண்டு களித்தார். அவருடன் அமைச்சர் உதயநிதி ஸ்டாலின், அமைச்சர்கள் மற்றும் மூத்த உறுப்பினர்கள் உடன் இருந்தனர்.