திரவுபதி அம்மன் கோவில் பூக்குழி திருவிழா கொடியேற்றம்

சேரன்மாதேவி:

வீரவநல்லூர் திரவுபதி அம்மன் கோவிலில் பூக்குழி திருவிழா நேற்று முன்தினம் கொடியேற்றத்துடன் தொடங்கியது. அதனை கொடி மரத்திற்கு சிறப்பு தீபாராதனை நடந்தது. விழா நாட்களில் தினமும் சிறப்பு பூஜை நடைபெறுகிறது. விழாவின் முக்கிய நிகழ்ச்சியான பூக்குழி வைபவம் வருகின்ற 11-ந் தேதி (வெள்ளிக்கிழமை) நடைபெறுகிறது. அன்று காலை 9 மணிக்கு பால்குடம் வீதி உலா, இரவு 7 மணிக்கு பூக்குழி வைபவம் நடக்கிறது. இரவு 10 மணிக்கு சுவாமி-அம்பாள் வீதி உலா, 16-ந் தேதி இரவு தர்மர் பட்டாபிஷேகம் நடைபெறுகிறது. ஏற்பாடுகளை பாபநாசம் அக்தார் மற்றும் விழாக்கமிட்டியினர் செய்து வருகின்றனர்.