மல்லசமுத்திரம் அருகே தனியார் மில் வேனில் இறந்து கிடந்த டிரைவர்

எலச்சிபாளையம்:

புதுக்கோட்டை மாவட்டம் கொத்தமங்கலம் பகுதியை சேர்ந்தவர் மணிவண்ணன் (வயது 45). இவர் வெப்படையில் உள்ள ஒரு தனியார் மில்லில் டிரைவராக வேலை செய்து வந்தார். இவர் நேற்று முன்தினம் வழக்கம்போல் மில் வேனில் ஆட்களை ஏற்றிக்கொண்டு மல்லசமுத்திரம் அருகே மங்களம் பகுதியில் இறக்கி விட்டு பின்னர் காளிப்பட்டி– வைகுந்தம் சாலையில் உள்ள ஊஞ்சமரம் பஸ் நிறுத்தம் அருகே வேனில் ஓய்வெடுத்துள்ளார். நீண்ட நேரமாக வாகனம் ஒரே இடத்தில் நின்றதால் சந்தேகமடைந்த அப்பகுதி மக்கள் வேனில் சென்று பார்த்தனர். அப்போது மணிவண்ணன் இருக்கையில் இறந்த நிலையில் கிடந்தார். தகவல் அறிந்து சென்ற மல்லசமுத்திரம் ேபாலீசார் இறந்தவரின் உடலை மீட்டு பிரேத பரிசோதனைக்காக திருச்செங்கோடு அரசு ஆஸ்பத்திரிக்கு அனுப்பி வைத்தனர். இதுகுறித்து மல்லசமுத்திரம் போலீசார் விசாரணை நடத்தி வருகின்றனர்.