மோட்டார் சைக்கிளில் இருந்து தவறி விழுந்து டிரைவர் சாவு

திருச்சி மாவட்டம் வையம்பட்டி அருகே உள்ள பெரிய அணைக்கரைபட்டியை சேர்ந்தவர் இன்னாசிமுத்து ராஜா (வயது 32). வேன் டிரைவர். கடந்த 25-ந்தேதி இவர், திருச்சி-திண்டுக்கல் தேசிய நெடுஞ்சாலையில் மோட்டார் சைக்கிளில் சென்று கொண்டிருந்தார்.

வடமதுரையை அடுத்த மூனாண்டிபட்டி பஸ் நிறுத்தம் அருகே திடீரென நிலை தடுமாறி இன்னாசிமுத்து ராஜா கீழே விழுந்து பலத்த காயமடைந்தார். அவரை அருகில் இருந்தவர்கள் வீட்டு மதுரை அரசு மருத்துவமனையில் சிகிச்சைக்காக சேர்த்தனர்.

அங்கு சிகிச்சையில் இருந்த இன்னாசிமுத்து ராஜா சிகிச்சை பலனின்றி நேற்று இரவு பரிதாபமாக இறந்தார். இந்த சம்பவம் குறித்து வடமதுரை போலீஸ் சப்-இன்ஸ்பெக்டர் பிரபாகரன் வழக்குப்பதிவு செய்து விசாரணை நடத்தி வருகிறார்.