தொகுப்பூதிய ஊழியர்கள் கண்களை மூடி போராட்டம்

அண்ணாமலை நகர்,

சிதம்பரம் அண்ணாமலை பல்கலைக்கழகத்தில் கடந்த 12 ஆண்டுகளுக்கு மேலாக தொகுப்பூதிய ஊழியர்களாக 205 பேர் பல்வேறு துறைகளில் பணியாற்றி வருகின்றனர். இவர்களுக்கு மாதம் ரூ.4 ஆயிரம் முதல் ரூ.5 ஆயிரம் வரை ஊதியம் வழங்கப்பட்டு வருகிறது. இதையடுத்து தொகுப்பூதிய ஊழியர்கள் தங்களை பணி நிரந்தரம் செய்ய வலியுறுத்தி கடந்த 9 நாட்களாக பல்கலைக்கழக நிர்வாக அலுவலக வளாகத்தில் காத்திருக்கும் போராட்டத்தில் ஈடுபட்டு வருகின்றனர். இவர்களின் போராட்டம் நேற்று 10-வது நாளாக நீடித்தது. இதில் தொகுப்பூதிய ஊழியர்கள் தங்களது கண்களை கையால் மூடிக்கொண்டு போராட்டத்தில் ஈடுபட்டனர்.