மினி வேன் மோதி முதியவர் சாவு

ராணிப்பேட்டை மாவட்டம் நெமிலியை அடுத்த கீழ்வெங்கடாபுரம் கிராமத்தை சேர்ந்தவர் துரைசாமி (வயது 70). இவர் நேற்று காலை அதே கிராமத்தில் உள்ள திரவுபதி அம்மன் கோவில் அருகே நடந்து சென்றார். அப்போது பால் ஏற்றிக்கொண்டு வந்த மினி வேன் அவர் மீது மோதியது. இதில் படுகாயமடைந்த அவரை அங்கிருந்தவர்கள் மீட்டு சிகிச்சைக்காக அரக்கோணம் அரசு மருத்துவமனையில் சேர்த்தனர். பின்னர் மேல்சிகிச்சைக்காக திருவள்ளூர் அரசு மருத்துவமனைக்கு கொண்டு செல்லப்பட்டார்.

அங்கு அவரை பரிசோதித்த டாக்டர்கள், அவர் வரும் வழியிலே இறந்துவிட்டதாக தெரிவித்தனர். இது குறித்து நெமிலி போலீசார் வழக்குப்பதிவு செய்து தப்பியோடிய டிரைவரை தேடி வருகின்றனர்.