வேதாரண்யம் கோடியக்கரையில் அக்டோபர் மாதம் முதல் மார்ச் மாதம் வரை மீன்பிடி சீசனாகும். தற்போது பல்வேறு மாவட்டங்களை சேர்ந்த மீனவர்கள் கோடியக்கரையில் தங்கி மீன்பிடித்து வருகின்றனர். நேற்று மீனவர்கள் வலையில் காலா, ஷீலா, வாவல், நிலக்கால் நண்டு, புள்ளி நண்டு உள்ளிட்ட 5 டன் மீன்கள் அதிக அளவில் கிடைத்தன. காலா கிலோ ரூ. 350-க்கும், நண்டு கிலோ ரூ.300-க்கும், வாவல் ரூ.700-க்கும் ஏலம் போனது. வேதாரண்யத்தில் அதிக மீன்வரத்தாலும், அதற்கு நல்ல விலை கிடைத்ததாலும் மீனவர்கள் மகிழ்ச்சி அடைந்தனர்.