குன்னம், வேப்பூர் அரசு மேல்நிலைப்பள்ளி மாணவர்களுக்கு இலவச சைக்கிள் வழங்கும் விழா

தமிழக அரசின் விலையில்லா சைக்கிள் வழங்கும் திட்டத்தின் கீழ் குன்னம் அரசு மேல்நிலைப் பள்ளியில் 11-ம் வகுப்பு பயின்ற மாணவர்களுக்கு இலவச சைக்கிள்கள் வழங்கும் நிகழ்ச்சி குன்னம் அரசு ஆண்கள் மேல்நிலைப்பள்ளியில் நடைபெற்றது. நிகழ்ச்சியில் 123 மாணவர்கள் மற்றும் 169 மாணவிகள் என மொத்தம் 292 பேருக்கு இலவச சைக்கிள்கள் வழங்கப்பட்டன. அதனை தொடர்ந்து 12-ம் வகுப்பில் 100 சதவீத தேர்ச்சி பெற்ற குன்னம் அரசு மேல்நிலைப்பள்ளிக்கு கேடயமும், ஆசிரியர்களுக்கு பாராட்டு சான்றிதழும் வழங்கப்பட்டன. இதேபோல் குன்னம் அருகே உள்ள வேப்பூர் அரசு மேல்நிலைப் பள்ளியிலும் மாணவ-மாணவிகளுக்கு இலவச சைக்கிள்கள் வழங்கப்பட்டன.