விவசாயிகளுக்கு இலவச மரக்கன்றுகள் வினியோகம்

நாமக்கல் மாவட்டம் அத்தனூர் வனவியல் விரிவாக்க மையம் சார்பில் வெளியிடப்பட்டு உள்ள செய்திக்குறிப்பில் கூறியிருப்பதாவது:-

நாமக்கல் வனக்கோட்டம் அத்தனூர் வனவியல் விரிவாக்க மையத்தில் பசுமை தமிழ்நாடு இயக்கம் திட்டத்தின் கீழ் விவசாயிகளுக்கு தேக்கு, வேம்பு, செம்மரம் நாற்றுகள் தோட்டங்களில் நடவு செய்ய இலவசமாக வழங்கப்பட உள்ளது.

மேலும் அரசு மற்றும் தனியார் கல்வி நிறுவனங்கள், தொழிற்சாலைகளுக்கு வேம்பு, புங்கன், மஞ்சள், கொன்றை, நாவல், இலுப்பை, நீர்மருது, அத்தி, பலா, சொர்க்கம், பாதாம், மகிழம், நெல்லி நாற்றுகள் இலவசமாக வழங்கப்படும். இதை விவசாயிகள் பயன்படுத்தி கொள்ளலாம்.

இவ்வாறு அதில் கூறப்பட்டு உள்ளது.