மதுரையில் கொட்டி தீர்த்த கனமழை - சாலையில் பெருக்கெடுத்து ஓடிய தண்ணீர்

மதுரை,

மதுரையில் கடந்த சில தினங்களாக அவ்வப்போது மழை பெய்து வருகிறது. இந்தநிலையில் இன்று காலையில் கடுமையான வெப்பம் இருந்தது. இதனைத் தொடர்ந்து மீண்டும் மாலை 5 மணியளவில் கருமேகங்கள் ஒன்று திரண்டு திடீரென மழை பெய்ய தொடங்கியது.

இந்த மழை 1 மணி நேரத்திற்கும் மேலாக நீடித்தது. இதனால் தாழ்வான சாலைகளில் மழை நீர் பெருக்கெடுத்து ஓடியது. இதுபோல் நகரின் முக்கிய வீதிகளிலும் மழைநீர் தேங்கி நின்றது.

இதனால் பெரியார் பஸ் நிலையம், காளவாசல், கோரிப்பாளையம் உள்ளிட்ட பல இடங்களில் போக்குவரத்து நெரிசலும் ஏற்பட்டது.