தியாகதுருகம்,

மணிப்பூர் சம்பவத்தை கண்டித்து மனிதநேய மக்கள் கட்சி சார்பில் தியாதுருகம் பஸ் நிறுத்தம் அருகே கண்டன ஆர்ப்பாட்டம் நடைபெற்றது. இதற்கு மனிதநேய மக்கள் கட்சியின் மாவட்ட தலைவர் பசல் முகமது தலைமை தாங்கினார். இதில் சிறப்பு அழைப்பாளராக காங்கிரஸ் கமிட்டியின் மாவட்டத் தலைவர் ஜெய்கணேஷ் கலந்துகொண்டு பேசினார். தொடர்ந்து மணிப்பூர் சம்பவத்தை கண்டித்தும், பா.ஜ.க. அரசை கண்டித்தும் கண்டன கோஷங்களை எழுப்பினர். இதில் நிர்வாகிகள் மற்றும் தொண்டர்கள் பலரும் கலந்து கொண்டனர்.