அந்தியூரில்ரூ.3½ லட்சத்துக்கு பருத்தி விற்பனை

அந்தியூர்

அந்தியூர் ஒழுங்குமுறை விற்பனை கூடத்தில் பருத்தி ஏலம் நடைபெற்றது. அந்தியூர் மற்றும் சுற்றுவட்டார பகுதிகளில் இருந்து 160 மூட்டைகளில் விவசாயிகள் பருத்தியை விற்பனைக்காக கொண்டு வந்திருந்தனர். இதில் ஒரு குவிண்டால் குறைந்தபட்சமாக ரூ.7 ஆயிரத்து 19-க்கும், அதிகபட்சமாக ரூ.7 ஆயிரத்து 619-க்கும் ஏலம் விடப்பட்டன. மொத்தம் ரூ.3 லட்சத்து 50 ஆயிரத்துக்கு பருத்தி ஏலம் போனது.

இதேபோல் 21 மூட்டைகளில் நிலக்கடலை விற்பனைக்காக கொண்டு வரப்பட்டன. இதில் குவிண்டால் ஒன்று குறைந்தபட்சமாக ரூ.6 ஆயிரத்து 919-க்கும், அதிகபட்சமாக ரூ.7 ஆயிரத்து 619-க்கும் ஏலம் விடப்பட்டன. மொத்தம் ரூ.48 ஆயிரத்து 726-க்கு நிலக்கடலை விற்பனையானது. ஈரோடு, திருப்பூர், கோவை, தர்மபுரி ஆகிய மாவட்டங்களில் இருந்து வந்திருந்த வியாபாரிகள் பருத்தி, நிலக்கடலையை ஏலம் எடுத்து சென்றனர்.