பள்ளி மாணவன் பலியான சம்பவத்தில் மோட்டார் சைக்கிளில் மோதிய வாலிபரும் சாவு

காட்பாடி

பள்ளி மாணவன் பலியான சம்பவத்தில் மோட்டார் சைக்கிளில் மோதிய வாலிபரும் இறந்தார்.

காட்பாடி கிளித்தான்பட்டரை அடுத்த வெங்கடேசபுரம் பகுதியைச் சேர்ந்த தனுஷ் (வயது 17), தனியார் பள்ளியில் பிளஸ்-2 படித்து வந்தார். நேற்று முன்தினம் இரவு டியூசன் சென்றுவிட்டு வீடு திரும்பி கொண்டிருந்தார். அப்போது அந்தவழியாக வந்த மோட்டார் சைக்கிள் தனுஷ் மீது மோதியதில் மாணவன் அதே இடத்தில் பரிதாபமாக இறந்தார்.

இந்த விபத்தில் மோட்டார் சைக்கிளில் வந்த எல்.ஜி.புதூர் கிராமத்தை சேர்ந்த கதிரவன் (வயது 19) படுகாயம் அடைந்தார். அவரை சிகிச்சைக்காக வேலூர் அடுக்கம்பாறை அரசு மருத்துவக்கல்லூரி மருத்துவமனைக்கு அனுப்பி வைத்தனர். அங்கு சிகிச்சை பலனின்றி நேற்று அவர் பரிதாபமாக இறந்தார்.

இந்தவிபத்து குறித்து காட்பாடி போலீசார் வழக்குப்பதிவு செய்து விசாரணை நடத்தி வருகின்றனர்.