திருச்செந்தூரில் தேவேந்திரகுல வேளாளர் அறமடங்கள் சார்பில் அன்னதானம்

திருச்செந்தூரில் உள்ள 500 வருடங்கள் பழமையான தேவேந்திரகுல வேளாளர் அறமடங்களான வீரவள நாட்டார் அறமடம், சீவந்திய வள நாட்டார் அறமடம், பருத்திக்கோட்டை நாட்டார் அறமடம், தூத்துக்குடி உறவுமுறை நாட்டார் அறமடம், பட்டணக்கரையார் சிக்க வள நாட்டார் அறமடம், செலுகை நாட்டார் அறமடம், கொற்கை குடவளநாட்டார் அறமடம் சார்பில் வைகாசி விசாகத்திருவிழாவை முன்னிட்டு 4-வது ஆண்டாக பத்தாயிரம் பக்தர்களுக்கு அன்னதானம் வழங்கும் நிகழ்ச்சி நடந்தது.

நிகழ்ச்சிக்கு தேவேந்திரர் தன்னார்வ அறக்கட்டளை தலைவர் ம.தங்கராஜ் தலைமை தாங்கி அன்னதானத்தை தொடங்கி வைத்தார். தொடர்ந்து ஏராளமான பக்தர்கள் அன்னதானத்தில் பங்கேற்றனர். நிகழ்ச்சியில் தேவேந்திர குல வேளாளர் சமூக பெரியவர்கள் கலந்து கொண்டனர். திருச்செந்தூர் தேவேந்திர குல வேளாளர் அறமடங்கள் சார்பில் சிறப்பான ஏற்பாடுகள் செய்யப்பட்டு இருந்தன.