தர்மபுரி அங்காடிக்கு பட்டுக்கூடுகள் வரத்து அதிகரிப்பு

தர்மபுரியில் பட்டு வளர்ச்சி துறை சார்பில் செயல்பட்டு வரும் பட்டுக்கூடுகள் ஏல அங்காடிக்கு பல்வேறு மாவட்டங்களில் இருந்து விவசாயிகள் பட்டுக்கூடுகளை விற்பனைக்கு கொண்டு வருகிறார்கள்.

இந்த அங்காடிக்கு நேற்று முன்தினம் 1 டன் 235 கிலோவாக இருந்த பட்டுக்கூடுகள் வரத்து நேற்று 1 டன் 748 கிலோவாக அதிகரித்தது. அதே நேரத்தில் பட்டுக்கூடுகளுக்கான தேவை குறைந்தது. நேற்று முன்தினம் அதிகபட்சமாக ரூ.636-க்கு விற்பனையான பட்டுக்கூடு நேற்று கிலோவிற்கு ரூ.26 விலை குறைந்தது.

நேற்று ஒரு கிலோ பட்டுக்கூடு அதிகபட்சமாக ரூ.610-க்கும், குறைந்தபட்சமாக ரூ.305-க்கும், சராசரியாக ரூ.556.76-க்கும் விற்பனையானது. மொத்தம் ரூ.9 லட்சத்து 73ஆயிரத்து 582 மதிப்பில் பட்டுக்கூடுகள் விற்பனை செய்யப்பட்டது.