விருத்தாசலம்

விருத்தாசலம் பகுதியில் எள் அறுவடை நடைபெற்று வருகிறது. இதனால் விருத்தாசலம் ஒழுங்குமுறை விற்பனைக்கூடத்துக்கு எள் வரத்து அதிகரித்து காணப்படுகிறது.

அந்த வகையில் நேற்று மட்டும் 80 கிலோ எடையுள்ள ஒரு மூட்டை அதிகபட்சமாக ரூ.12 ஆயிரத்து 139-க்கும், குறைந்த விலையாக ரூ. 9 ஆயிரத்து 389-க்கும் விலைபோனது. எதிர்பார்த்த அளவில் விலை கிடைத்ததால், விவசாயிகள் மகிழ்ச்சியடைந்தனர்.

இதேபோன்று குறிஞ்சிப்பாடியில் உள்ள ஒழுங்குமுறை விற்பனைக்கூடத்துக்கும் எள் வரத்து அதிகரித்து காணப்படுகிறது. நேற்று இங்கு ஒரு மூட்டை ரூ.11 ஆயிரத்து 400-க்கும், பண்ருட்டி ஒழுங்குமுறை விற்பனைக்கூடத்தில் ரூ. 9 ஆயிரத்து 229-க்கும் எள் மூட்டைகள் விலை போனது.