சுதந்திர தின விழா

பொள்ளாச்சி

பொள்ளாச்சி பகுதியில் உள்ள அரசு பள்ளிகளில் சுதந்திர தின விழா கொண்டாடப்பட்டது.

தொப்பம்பட்டி

பொள்ளாச்சி அருகே தொப்பம்பட்டி ஊராட்சி ஒன்றிய நடுநிலைப்பள்ளியில் நடந்த சுதந்திர தின விழாவிற்கு தலைமை ஆசிரியர் கணேசன் முன்னிலை வகித்தார். ஆசிரியை மகாலட்சுமி வரவேற்றார். விழாவில் தேசிய கொடி ஏற்றி வைத்து மரியாதை செலுத்தப்பட்டது. மேலும் கலை போட்டிகள் நடத்தி வெற்றி பெற்றவர்களுக்கு பரிசுகள் வழங்கப்பட்டது.இதில் ஆசிரியர்கள் தேவி, மனுவேல்ராஜன், மேலாண்மை குழு தலைவர் மனோரஞ்சிதம், பெற்றோர் ஆசிரியர் கழக தலைவர் கதிர்வேல் கலந்துகொண்டனர்.

ஏரிப்பட்டி

அர்த்தநாரிபாளையம் ஊராட்சி ஒன்றிய நடுநிலைப்பள்ளியில் தேசிய கொடி ஏற்றி வைத்து, மாணவ-மாணவிகளுக்கு இனிப்புகள் வழங்கப்பட்டது. தொடர்ந்து போட்டிகளில் வெற்றி பெற்றவர்களுக்கு பரிசுகள் வழங்கப்பட்டது. மேலும் கலைநிகழ்ச்சி நடைபெற்றது. இதில் தலைமை ஆசிரியர் உத்தர்ராஜ் மற்றும் பலர் கலந்துகொண்டனர். முடிவில் ஆசிரியர் கருணாசேகரன் நன்றி கூறினார்.

ஏரிப்பட்டி ஊராட்சி ஒன்றிய நடுநிலைப்பள்ளியில் நடந்த விழாவிற்கு தலைமை ஆசிரியை சுகந்தி தலைமை தாங்கினார். விழாவில் தேசிய கொடி ஏற்றி வைத்து மரியாதை செலுத்தப்பட்டது. மேலும் பல்வேறு போட்டிகள் நடைபெற்றது. பின்னர் கலைநிகழ்ச்சி நடைபெற்றது. மாணவர்கள் நேரு, காந்தி, காமராஜர், பாரதியார், அம்பேத்கர், பாரதமாதா வேடம் அணிந்து வந்தனர். இதில் ஆசியர்கள் கீதா, சுப்புலட்சுமி, ராணி, சுசீலா, சரண்மா, சாஜிதா பானு ஆகியோர் பங்கேற்றனர்.

கோடங்கிபட்டி

பக்கோதிபாளையம் ஊராட்சி ஒன்றிய தொடக்கப்பள்ளியில் நடந்த விழாவிற்கு மேலாண்மை குழு தலைவர் செல்வி தலைமை தாங்கினார். தலைமை ஆசிரியர் ஜேக்கப்பால் மாணிக்கராஜ் வரவேற்றார். விழாவில் தேசிய கொடி ஏற்றி வைத்து மரியாதை செலுத்தப்பட்டது. மேலும் போட்டிகள் நடத்தப்பட்டு வெற்றி பெற்றவர்களுக்கு பரிசுகள் வழங்கப்பட்டன.

கோடங்கிபட்டி ஊராட்சி ஒன்றிய தொடக்கப்பள்ளியில் நடந்த விழாவில் தேசிய கொடி ஏற்றி வைத்து, மரியாதை செலுத்தப்பட்டது. பின்னர் மாணவ-மாணவிகளுக்கு மாறுவேட போட்டி நடத்தப்பட்டது. மேலும் அரிமா சங்கத்தினர் பள்ளிக்கு நலத்திட்ட உதவிகளை வழங்கினர். விழாவில் தலைமை ஆசிரியர் தினகரன், ஆசிரியை சத்தியா மற்றும் பலர் கலந்துகொண்டனர்.

அரசு பெண்கள் பள்ளி

பொள்ளாச்சி நேதாஜி ரோடு அரசு பெண்கள் மேல்நிலைப்பள்ளியில் நடந்த விழாவில் பெற்றோர் ஆசிரியர் கழக தலைவர் தர்மராஜ் தேசிய கொடியை ஏற்றி வைத்தார். தலைமை ஆசிரியை சித்ராதேவி வரவேற்றார். இதில் பள்ளி வளர்ச்சி குழு தலைவர் வெள்ளை நடராஜ், பெற்றோர் ஆசிரியர் சங்க நிர்வாகிகள் காளிமுத்து, ஜெய்லாபுதீன் மற்றும் பலர் கலந்துகொண்டனர். முடிவில் ஆசிரியர் கோமதிசங்கரி நன்றி கூறினார்.