கண்டாச்சிபுரம் அருகேவிவசாயி வீட்டில் ரூ.1¾ லட்சம் நகை-பணம் கொள்ளைமர்மநபர்களுக்கு போலீஸ் வலைவீச்சு

கண்டாச்சிபுரம்,

கண்டாச்சிபுரம் அருகே உள்ள நல்லாபாளையம் கிராமத்தை சேர்ந்தவர் பல்லாண்டு (வயது 65). விவசாயி. இவர் தனது வீட்டை பூட்டிவிட்டு சாவியை மேற்கூறையில் வைத்துவிட்டு அதே ஊரில் உள்ள தனது விவசாய நிலத்துக்கு சென்றார். அங்கு பணி முடிந்ததும் மீண்டும் அவர் வீட்டுக்கு திரும்பினார். அப்போது வீட்டின் கதவு திறந்து கிடந்ததை கண்டு அவர் அதிர்ச்சி அடைந்தார். இதையடுத்து அவர் வீட்டுக்குள் சென்றுபார்த்த போது, அங்கிருந்த இரும்பு பெட்டி உடைக்கப்பட்டு அதில் இருந்த 4 பவுன் நகை மற்றும் ரூ.20 ஆயிரம் ரொக்கம் ஆகியவற்றை காணவில்லை.

அதனை மர்மநபர்கள் கொள்ளையடித்து சென்றது தெரிந்தது. இது குறித்த தகவலின் பேரில் கண்டாச்சிபுரம் போலீஸ் சப்-இன்ஸ்பெக்டர் குருபரன் தலைமையிலான போலீசார் சம்பவ இடத்துக்கு விரைந்து சென்று விசாரணை நடத்தினர்.

வலைவீச்சு

இதில் பல்லாண்டு வீட்டை பூட்டிவிட்டு சென்றதை நோட்டமிட்ட மர்மநபர்கள், அவரது வீட்டு சாவியை எடுத்து கதவை திறந்து உள்ளே புகுந்துள்ளனர். பின்னர் அவர்கள் அங்கிருந்த ரூ.1¾ லட்சம் மதிப்புள்ள நகை-பணத்தை கொள்ளையடித்து சென்றது தெரிந்தது. இதையடுத்து கைரேகை நிபுணர்கள் வரவழைக்கப்பட்டு கொள்ளை நடந்த வீட்டில் இருந்த தடயங்கள் சேகரிக்கப்பட்டன. இது குறித்த புகாரின் பேரில் போலீசார் வழக்குப்பதிவு செய்து நகை-பணத்தை கொள்ளையடித்து சென்ற மர்மநபர்களை வலைவீசி தேடி வருகின்றனர்.