டிராக்டர் மோதி பெண்பலி

நல்லூர்

திருப்பூர் மணியக்காரம்பாளையம் பகுதியை சேர்ந்த சரண்யாதேவி (வயது31). இவர் பனியன் நிறுவனத்தில் வேலை செய்து வருகிறார். இவர் கடந்த சில தினங்களுக்கு முன்பு திருக்குமரன் நகர் பகுதியில் இருந்து தனது மகளை அருகில் உள்ள அரசு பள்ளியில் விட்டுவிட்டு வேலைக்காக நடந்து வந்துள்ளார். பின்னால் வந்த டிராக்டர் கட்டுப்பாடை இழந்து முன்னால் சென்று கொண்டு இருந்த சரண்யா தேவி மீது மோதியது. இதில் சரண்யா தேவி சம்பவ இடத்திலேயே உயிரிழந்தார். தகவல் அறிந்து வந்த நல்லூர் போலீசார் சரண்யா தேவி உடலை கைப்பற்றி திருப்பூர் அரசு மருத்துவக்கல்லூரி மருத்துவமனைக்கு பிரேதபரிசோதனைக்கு அனுப்பி வைத்தனர். இந்த விபத்து குறித்து நல்லூர் போலீசார் வழக்குப்பதிவு செய்து விசாரணை நடத்தி வருகின்றனர்.

==========